SA NAGPADAYON nga Kuyamis Sports Fest 2018-2019, giyatak yatakan sa Sugbongcogon Tigers ang Tagoloan Cagers sa Volleyball Women Local Government Unit (LGU) category match, sa score nga 3-0, niadtong Sabado, Setyembre 1 sa Talisayan.

Giharos sa Tigers ang tulo ka sets sa ilang intensified offense, kung diin walay nahimo ang Cagers kon dili mao na lamang ang pagdawat sa samad nga ilang naangkon.

Dugang kompiyansa sa team gikan sa lungsod sa Sugbongcogon ang ilang kadaugan.

Ang programang paugnat sa kusog sa lalawigan sa Misamis Oriental dalit ni Gobernador Bambi Emano pinaagi sa iyang BAMBI Sports Club, sa katuyoan nga maka-diskobre ug bag-ong atleta samtang wala nila damha nalikay na sila sa paggamit sa ginadiling droga ug uban pang dautang bisyo.

Lakip sa maong liga ang dula sa chess, relay, boxing, taekwondo, arnis ug uban pa. (PR)