DEAR Tita Heart,

Maayo’ng adlaw diha kanimo tita heart ug sa tanang suki sa SunStar SuperBalita.

Ako si Darren tita, taga Alae, Bukidnon. Ang akong poblima tita ang akong uyab karon nga taga Valencia, Bukidnon. Gihatag nako tanan sa iyaha ang iyang gusto tita heart.

Ang tanan niya gikinahanglan tita akong gihatag sa iyaha, para lang jud magmalamposon ang iyang gusto.

Pinangga nako siya tita heart, love pod nako siya, mao nga grabe akong effort niya. Ginahatagan sad nako siyag time tita maski naa koy trabaho.

Pero sakit kaayo tita kay nakigbulag siya nako tita, kay lage daw nakabalo iyang ig-agaw nga uyab mi. Mangita nalang ba ko og lain tita? Or ako pa siya paaboton nga magkabalik me?

Darren,

*****

Hello Darren,

Mabaw ra kaayo ang rason sa iyang pagbulag. Siguro dili pa siya andam makigrelasyon kay gitago paman niya bisan sa iyang ig-agaw. Ayaw pugsa. Hulata ang panahon nga dili siya magtago sa pakigrelasyon. Kung single paka anang panahona ug andam na siya kanimo, kamo gyod siguro.

Tita Heart