DEAR Tita Heart,

Ako si Rodel, 24, taga Biasong, Macasandig. Tita, magpatambag unta ko nimo tita kay akong uyab nga akong gipaskwela, dili man diay gasulod. Nagtuo ko mu-graduate na pero wala pa diay. Gasige siya og bakak sa akoa. Nahibaw-an nako kay ako gikamusta siya ug kun mopaso ba siya karon umaabot Marso. Layo pa diay kaayo. Love nako siya tita mao nang ako ning gihimo. Gawas sad ana, wala na siya'y mga ginikanan. Unsa akong buhaton palihog? Tambagi ko.

Rodel

*****

Hello Rodel

Sayang imong effort sa iyaha apan diay wala siya nagtinarong. Ang imo sigurong buhaton hatagan nimo og ultimatum nga dili na nimo paeskwelahon. Dili baya sayun magpaskwela. Kung love ka niya makita niya unsa imong kahago para makahuman siya. Ikaw ra'y bugtong makahuna-huna kung padayunon pa ba nimo imong relasyon kaniya taliwala sa imong dakong gugma kaniya.

Tita Heart