Nagpatabang sa publiko pinaagi sa social media ang usa ka tag-iya og motorsiklo kay gikawat ang iyang sakyanan sa duha ka mga lalaki nga nagsakay og laing motor.

Si Malou Diez Saniel, taga Suba, Brgy. Poblacion, lungsod sa Argao nagpa­ta­­bang pinaagi sa pag-ila sa ningkawat sa iyang motorsiklo nga nakita sa CCTV camera alas 4 sa kadlawon sa Biyernes, Marso 22, 2024.

Duha ka mga lalaki ang nakita nga ningkuha sa motorsiklo ug nakita usab ang plate number sa getaway motorcycle sa mga kawatan, lakip ang ilang mga nawong.

Matod ni Saniel sa iyang post sa social media, nga mohatag siya og reward money sa makatug-an ngadto sa kapulisan sa mga identity sa maong mga kawatan. / DVG