Dead-on-arrival (DOA) ang usa ka pasahero nga sakay sa front seat sa Chevrolet nga SUV nga sakyanan human mahulog sa kanal sa nasudnong dalan sa Purok 4 sa Barangay Ginubatan, lungsod sa Trinidad, probinsiya sa Bohol niadtong Sabado, Marso 5, alas 11:00 sa buntag.

Si Police Corporal Julito Casulocan sa Trinidad Police Station niila sa namatay nga si Cherry Corsiga, 34, kinsa DOA sa tambalanan.

Ang angol mao sila si Marjun Autentico, 34, kapuyo sa namatay ug nagmaneho sa SUV; Arthur Cresencio, 20; Limuel Tulang, 29; ug Fernando Sosmeña, 52, pulos molupyo sa Barangay La Victoria sa nahisgutang lungsod.

Matod ni Casulocan, ang drayber nawad-an og kontrol sa sakyanan dihang nakaligis og iro tungod sa kadangog sa dalan nisarasay kini padung sa kanal.