PATAY ang trabahante human nga iyang gisakyang motorsiklo nabanga sa usa ka trak kagahapon sa buntag, Nobiyembre 19 sa national highway Barangay Media Once, dakbayan sa Toledo.

Si Joel Abiera,38, minyo taga-Das, Toledo City namatay human naka-angkon kadaot sa kalawasan.

Si Si PMaster Sgt.Reno Allego, mibutyag nga mitahan sa kapulisan si Brian Guillano, 45, minyo taga Barangay Papan, lungsod sa Sibonga kinsa maoy driver sa Fuso truck nga gikargahan og mga buhing manok.

Nasuta sa imbestigasyon nga ang truck gikan sa lungsod sa Asturias ug padulong sa dakbayan sa Naga.

Ang biktima sakay sa iyang motorsiklo pag-abot sa maong dapit diin kurbada ang karsada nabanga niini ang gikasugat nga niresulta sa kamatayon sa biktima. (GPL)