Samdan ang usa ka 12-anyos nga lalake nga aksidenteng napusilan sa iyang 10-anyos nga lalakeng manghod sa alas 7:20 sa gabii sa Sityo Canapnapan, Upper Campo 8, Dakbayan sa Toledo.

Mga ngan sa mga bata gipugngan ning mantalaan.

Matod ni Police Lieutenant Colonel Junnel Caadlawon nga ang magsuon nagduwa uban sa ilang mga ig-agaw.

Nakakita ang 10-anyos og .38 kalibreng revolver nga iyang gituohan nga duwaan lang.

Ang manghod nition sa iyang maguwang nga nagtalikod ug nikablit sa gatilyo sa revolver dayong pusil.

Ang maguwang nga naigo sa likod sa lawas daling gidala sa Toledo City General Hospital.

Ang kapulisan nagsusi pa diin nakuha sa bata ang revolver.

Ang manghod nga naa sa pa tumang kahadlok gikustodiya sa social welfare officer sa siyudad. (GPL)