PALO LEYTE - Nasikop sa kapulisan ang 15 ka most wanted persons lukop rehiyon sud sa 48 oras nga pagpatuman sa warrant of arrest.

Ang Leyte Police Provincial Office nakasikop og walo ka most wanted, tag duha ang nasikop sa Eastern Samar PPO ug Ormoc City Police samtang usa ang nasikop sa Northern Samar PPO ug Tacloban City Police.

Base sa datos, lima sa nasikop dunay kasong rape, duha ang murder, illegal gambling, grave coercion, attempted murder, estafa, grave threats, illegal logging, kalapasan sa Republic Act 9287 ug 8292.

Matod ni PRO8 Director Dionardo Carlos nga ang operasyon magsilbing sinugdanan nga mamahimong luwas ang Eastern Visayas. JKDP