Kinse ka mga rehiyon sa Pilipinas fully vaccinated na ang dili mominos 60 percent sa ilang target population, sumala sa National Task Force Against Covid-19 (NTF) Chief Implementer ug vaccine czar Secretary Carlito Galvez Jr. niadtong Marso 15, Martes.

Matod ni Galvez atol sa President Rodrigo Duterte’s Talk to the People Address sa Martes sa gabii, Marso 15, nga ang rehiyon nga nakaabot na sa ilang target nga dili mominos 70 percent sa ilang target population naglakip sa National Capital Region (NCR), Cordillera Administrative Region (CAR), Ilocos, Cagayan Valley, Central Luzon, Calabarzon, ug Western Visayas.

Ang Mimaropa, Bicol, Central Visayas, Eastern Visayas, Zamboanga Peninsula, Northern Mindanao, Davao Region ug Caraga naabot na og 60 porsiyento sa ilang target population.

Ang nabiling duha ka mga rehiyon nga wala pa maabot sa ilang target mao ang Soccsksargen ug ang Bangsamoro Autonomous Region in Muslim Mindanao (Barmm).

Si Galvez nagkanayon nga ang Soccsksargen naka-fully vaccinated sa 56.06 porsiyento sa ilang eligible population, samtang ang Barmm naa pa sa 25.95 percent vaccination rate.

Ang NTF nitaho nga base sa Marso 16, dunay kinatibuk-ang 139,454,246 Covid-19 vaccine doses ang napadapat na sa tibuok populasyon sa tibuok nasod.

Sa pagkakaron, dunay kinatibuk-ang 64,838,213 ka Filipinos ang fully vaccinated, samtang 11,291,687 individuals ang nakadawat sa ilang booster shots o additional doses.

Ang gidaghanon sa mga bata nga nag-edad og 11 ngadto sa 17 kinsa nakadawat og Covid-19 vaccine nagpadayon sa pasaka, uban sa dul-an sa 11 milyunes ka indibiduwal ang dili mominos usa ka dose sa bakuna.

Ang NTF nagkanayon nga kini gidaghanona gipaabot nga moumento pa human ang Food and Drug Administration FDA) miaprobar sa Sinovac vaccine nga magamit sa nag-edad og unom ngadto sa 17 anyos.

Ang Department of Health (DOH) ug Health Technology Assessment Council gikatakda nga moluwat sa final guidelines alang sa Sinovac pediatric vaccination.

Ang kagamhanan naggamit karon og Pfizer ug Moderna Covid-19 vaccines alang sa Pediatric population.