DILI mominos sa 150 ka mga panimalay ang naugdaw human niulbo ang sunog sa Sitio Tacan, Barangay Ibo, dakbayan sa Lapu-Lapu, Dominggo sa kaadlawon, Hulyo 21.

Nadawat sa Lapu-Lapu City Fire Department ang alarma ala 1 sa kadlawon ug giisa kini sa Task Force Alpha human ang 30 minutos.

Base sa inisyal nga imbestigasyon nagsugod ang sunog sa panimalay ni Silverio Tumarong Jr.

Giisa sa mga awtoridad ngadto sa Task Force Bravo ang alarma ala 1:40 sa kaadlawon ug gideklara nga under control alas 2:50 sa kaadlawon. Hingpit na nga napawong ang kayo alas 6:21 sa buntag.

Gibanabana nga mokabat ngadto sa P400,000 ang danyos sa maong sunog. (Nicko Tubo)