Laing 16 ka mga tawo sa lungsod sa Consolacion ang nadakpan sa mga pulis atol sa ilang pagronda sa tigbakayan sa Purok Lower Lanipga, Barangay Lanipga niadtong Martes sa hapon, Disyembre 8.

Si Police Liuetenant Colonel Randy Korret, pangulo sa Provincial Intelligence (PUI) sa Cebu Provincial Police Office (CPPO), kuyog ang mga pulis nga mga sakop Provincial Mobile Force Company (PMFC) nga miresulta sa pagka sikop sa mga dinakpan.

Giila ni Korret ang mga dinakpan nga sila si Mark Pepito,19: Wilson Cabajar, 33; Jose Pepito, 58, pulos taga Barangay Tagba-o sa bukiran sa dakbayan sa Sugbo; Remar Goc-ong, 22; Leonilo Pepito, 35; Fredilson Pepito, 34; lRonald Hallasgo, 30; Leonilo Pepito, 35, Ely Samala 45, pulos lumolupyo sa Lanigga.

Ali Cantago, 43; Hermes Delbo, 42; Ronald Hallasgo, 30; Jemar Esconde Cabanes, 41; Jun-jun Samolde, 22; Jeffrey Callano, 39, pulos lumolupyo sa Barangay Tabla sa lungsod sa Liloan; Jonathan Rebales, 46; Gelbert Coca, 40, taga Barangay Adlaon sa bukirang sa dakbayan sa Sugbo;ug Ava Deparine, 48, taga Sityo Pajo sa Barangay Cansaga, lungsod sa Consolacion.

Matud ni Korret nga laing reklamo ang nadawat sa ilang opisina kalabot na sa walay hunong nga pagpahigayon sa tigbakay hinungdan nga giplano ang pagronda nga miresulta na sa pagka sikop sa 16 ka mga dinakpan.

Sa gihimong pag pang dakop nasakmit sa mirondang mga pulis ang tulo ka manok na pantari. Ug usa ka buhi, Kwarta nga moabot sa 2mil kapin ug mga parapernalyas sa pang sabong.

Ang 16 ka mga dinakpan ana pa gipriso una sa Consolacion pulis samtang pasakaan pa og kaso ang mga nadakpan subay sa ilang kalapasan sa balaud. batok sa sugal. / BBT