LABING minos 18 ka gikatahapang mga durugista ang Bag-ong Tuig sa mga bilanggoan human sila masikop sa mga buy-bust operation.

Sa Dakbayan sa Sugbo, usa ka adlaw sa di pa mosulod ang Bag-ong Tuig, 13 ka mga tawo napusasan sa managlahi nga mga operasyon sa Drug Enforcement Unit.

Sa Sityo Punyang, Barangay Duljo Fatima, siyam ka mga tawo nadakpan human sa usa ka buy-bust operation sa mga operatiba sa Regional Drug Enforcement Unit (RDEU) ug Regional Special Operations Group (RSOG) 7.

Si Police Capt. Romeo Caacoy Jr., maoy nangu sa operasyon.

Atol sa buy-bust operation, nasakmit ang mga pinakete nga shabu ug usa ka medium pack nga di moubos og P70,000 nga balor sa shabu. Nakuhaan usab og usa ka Magnum .22 caliber revolver nga dunay tulo ka mga bala.

Sa laing buy-bust, upat usab ang nadakpan sa mga operatiba sa DEU sa San Nicolas Police Station -6.

Si Police Capt. Caesar Acompañado, OIC sa San Nicolas Police, nilusad sa duha ka mga hugna nga buy-bust operation.

Ang duha nga nadakpan

Talisay City

Lima ka mga lalake sa Barangay Tangke, Siyudad sa Talisay nagtingkagol usab sa prisohan sa bisperas sa Bag-ong Tuig.

Duha kanila magsuon nga taga Dakbayan sa Sugbo nga sila si Rey Alcover, 22, subject sa operasyon, ug manghud nga si Ritchie Alcover, 19. (BBT & FMD)