DILI lang lider sa barangay apan lider usab sa ilegal nga sabong o tigbakayan taliwala sa gipatuman sa curfew sa tibuok lalawigan.

Si Kapitan Angeles Sanoy Cabases, 42, minyo ug taga Barangay Kanguha, Dumanjug nasikop, alas 4:40 kaganihang hapon, Marso 23. Gipusasan sab sila si Nowescis Sayson Deniela, 70, minyo, residente sa Barangay Kanguha, Dumanjug; ug Bienvinido Iñego Omaya, 48, minyo, sa samang lugar.

Si PMaj Ardioleto G. Cabagnot, hepe sa Dumanjug Police Station, maoy nangulo sa pagpangronda uban sa mga sakop sa 703rd Regional Mobile Force (RMFB) 7. Nakonpiskar sa kapulisan ang ka buhing hiniktan manok ingon man buwang.

Dominggo sa hapon, Marso 22, 2020, unang nasikop sa si Kapitan Ruel Dinglasa Cuevas sa Barangay Kabatbatan, Dumanjug human nangulo sa tigbakayan atol sa iyang birthday.

Ang duha pasakaan og tukmang kaso. (BBT)