Tulo ka mga sunog ang niulbo sa Miyerkules, Marso 22, 2023 sa Dakbayan sa Sugbo nga gipangrespondihan sa Bureau of Fire Protection (BFP).

Unang sunog nga gitubag sa Cebu City Fire Office (CCFO) personnel gialarma alas 8:49 sa buntag sa ikatulo nga andana sa Tower 3 sa Crown Regency Hotel sa Osmeña Blvd., Brgy. Santa Cruz.

Si SFO3 Wendell Villanueva, tigpamaba sa CCFO, niingon nga dunay aso sa ikatulong andana habig sa kusina sa usa ka cafe.

Daling gipagawas ang mga tawo sulod sa edipisyo. Moabot sa P320,000 ang danyos samtang padayon ang ilang imbestigasyon.

Ang laing duha ka mga sunog niigo sa mga balay sa Quijada St., Green Homes, Brgy. Guadalupe nga midanyos og P30,000 ug sa Sityo Holy Name, Brgy. Mabolo nga nidanyos og P3,000.