DILI mominus sa 300 ka mga kaso mapagamay o dako sa dakbayan sa Talisay ang susihon pag-usab aron kahatagan og hustisya ang mga biktima.

Kini human ilang gilusad Myerkules sa buntag, Disyembre 4, ang project SEMPI kun Synchronized Enhanced Managing Investigation.

Gipasabot ni Major Gerard Ace Pelare , hepe sa Talisay City Police Station, nga usa kini ka stratehiya pag-backtrack sa mga niaging kaso nga wa pa masulbad.

“Atong nabantayan sa atong pag-check daghang mga kaso nga wala maatiman. Daghang biktima ang nangita pa og hustisya. So, ang atong gihimo, in line with the instruction sa provincial director, ga-assign gyud ta og usa ka investigator sa mga kaso. It aims at increasing the CCE and CSE by and through a focused conduct of investigation with a specific investigator for each unsolved case,” matod ni Pelare.

Gihimo Martes sa hapon ang pagpaubos sa mga police sa TCPS sa seminar, diin guest speaker si Police Major Maria Teresa Macatangay kinsa giila nga expert ug crime statistics.

Si Macatangay kinsa usa usab ka abogada ang nihatag og mga pamaagi kon unsaon ang himuon nga mga pakisusi aron dali nga mahatagan og sulosyon ang usa ka krimen.

Si Macatangay, kinsa usa usab ka abogada, ang nihatag og mga pamaagi kon unsaon ang himuon nga mga pakisusi aron dali nga mahatagan og sulosyon ang usa ka krimen.

Matud ni Pelare nga sugod karon mohimo sila og pag-backtrack sa 300 ka mga kaso nga nahitabo lang ning tuiga, sugod Enero hangtud sa Nobyembre, mapa-dagko o gagmay man nga kemin.

Adunay usa ka pulis ang i-assign sa usa ka kaso nga motutok niini sud sa usa ka semana, diin duwaon nila pagbalik ang mga saksi ug biktima kon kini buhi pa, ug susihon pag-usab ang mga ebidensya, ug alang na sa tukma nga pagpasaka og kaso.

“Ganahan ta mo-focus sa mga cases, kay kini gud mga krimen, unknowingly there are victims of crimes and they are also waiting for justice, so amoa sila tagaan og higayon.." dugang ni Pelare.

Ang maong SEMPI ang initiative sa TCPS ug labing una kini sa Sugbo. (FMD)