MOABOT sa kapin 300 ka mga pulis, traffic enforcer, barangay Tanod, ug mga Reserve Officers’ Training Corps (ROTC) sa syudad sa Talisay, ang ipakatap alang sa international nga kalihukan karong Domingo, Agusto 11.

Alas 4 pa lang sa kaadlawon sa Dominggo, ipakatap na ang kapin sa 100 ka mga traffic enforcer uban na ang laing 100 ka mga barangay tanod sa siyudad sa Talisay diha sa mga lugar nga agian sa bike event, alang sa usa sa mga international event, ang ironman.

Kapin sa 100 ka mga tinun-an himuong human barricade, pagsiguro nga adunay mga tawo nga mokalit og labang sa rota sa bike event sa South Coastal Road alang sa kaluwasan sa triathletes ug manan-away.

Sa Sabado, siguruon na sa City of Talisay-Traffic Operations Development Authority (CT-TODA), nga mahipos na ang libud-suroy nga mga iro sa karsada. (FMD)