MATAG adlaw, aduna’y 32 ka mga tawo ang matakdan sa HIV, kini base na usab labing uwahi nga datus sa Department of Health (DOH).

Sa labing latest nga Nobiyembre 2018 nga datus sa DOH, niabot na sa 32 ka tawo ang matakdan o aduna’y HIV sa nasod.

Mao kini ang labing taas sa niaging dekada.

Samtang ang Central Visayas, anaa sa ika-upat nga rehiyon sa nasod nga aduna’y labing daghang kaso sa HIV-Aids diin tie niini ang Western Visayas.

Sukad 1984 hangtod Oktubre 2018, niabot na sa 5,438 ang kaso sa HIV-Aids sa Central Visayas.

Nag-una gihapon ang Cebu diin anaa kini natala nga 4,981 ka kaso.

Niadtong Enero hangtod Oktubre 2018, labing taas ang kaso sa mga lalaki nga nakighilawas og lalaki diin niabot kini sa 396 ka kaso; ikaduha ang lalaki nga nakighilawas sa babaye sa 155 ka kaso; ug ang injecting drug use sa 148 ka kaso.

Niabot usab sa 34 ang patay sa maong sakit sa rehiyon sa susamang mga buwan niadtong 2018.

Ang HIV-Aids kasamtangan nga wala’y bakuna, dili maayo ang pasyente nga anaa niini, apan aduna’y tambal mga mamahimong mapugngan nga makatakod kini sa uban. (Superbalita Cebu)