Sa unang higayon, moabot sa 433 ka mga tawo ang midaog sa Philippine Charity Sweepstakes Office (PCSO) 6/55 Grand Lotto nga dunay jackpot prize nga P236,091,188.40 sa alas 9:00 sa gabii nga bola niadtong Sabado, Oktubre 1, 2022.

Ang 433 ka mga tawo ang parehong ningpusta sa winning combination nga 09-45-36-27-18-54, diin tanan divisible og siyam.

Sumala sa PCSO, ang bahinon sa mga mananaog ug ang matag usa makadawat og P545,254.24.

Unang higayon kini sa PCSO nga kapin sa 400 ka ningpusta sa jackpot prize sa usa ka single winning combination.

Nisunod kini sa nahitabo niadtong sa Enero ning tuiga nga upat ka winning bettors ningdaug ug gibahin nila ang P42,945,708.20 nga resulta sa Lotto 6/42 draw.

Sa Mayo ning tuiga usab, tulo ang ningdaug sa total jackpot nga P43,912,343.80, sa Lotto 6/42 draw. (SunStar Philippines)