Dunay 44 ka large ug small-scale enterprises ang ning-apil sa Mandaue Expo 2022 nga gipasiugdahan sa Mandaue Chamber of Commerce and Industry (MCCI) sa Mandaue City Sports and Cultural Complex nga niabli sa Agusto 2, 2022, ug motapos sa Dominggo, Agusto 7, 2022.

Ang Expo libre ug abli sa tanan gikan sa alas 9:00 sa buntag ngadto sa alas 5:00 sa hapon.

Si Kelie Ko, MCCI president, atol sa pag-abli sa expo, niingon nga tumong sa kalihokan mao ang pag-promote sa mga lokal nga pamatigayon.

Usa kini sa mga kalihukan sa MCCI sa pagsaulog sa Mandaue Business Month sa Agusto. Ang 44 ka stalls nagpakita sa nagkalainlaing produkto sama sa pagkaon, furniture and furnishings, ug health and wellness.

Ang MCCI nagdapit sa tanan sa pagbisita sa Mandaue Expo 2022.