Balita

5 ka drug personality sa Leyte, sikop

John Kevin D. Pilapil

Lima ka mga lalake nasikop sa anti-illegal drugs operation sa Philippine Drug Enforcement Agency (PDEA) Leyte, kapulisan ug CAID sa Philippine Army sa Barangay Tabgas, Albuera, Leyte, niadtong Nobiyembre 10, 2021.

Ang lima ka mga dinakpan gi-ila nga sila si Dante Alao, Neil Magdadaro, Mario Mandras, Mervin Mandras ug Marlon Mandras.

Si Alao ug Magdadaro ang nag-atiman sa drug den samtang ang tulo ka Mandras pulos mga bisita.

Matod sa PDEA, una nilang gipahigayon ang buy-bust diin nakapalit ang ilang asset og shabu.

Gisunod nila ang pagpuhag sa drug den diin nadakpan sila si Alao ug Magdadaro.

Dugang pa sa PDEA, taud taud na nilang gipanid-an ang ilegal nga kalihokan tungod sa mga sumbong nga ilang madawat.

Nakuha sa PDEA ang 15 gramos nga gituhoang shabu nga balor P102,000.

Gipaubos sa qualitative ug quantitative test ang mga nakuhang shabu, samtang kasong kalapasan sa Republic Act 9165 ang gi-atubang sa mga dinakpan.

BSP

BSP: Protect your money, use bank services

Maricel Soriano says condo unit in leaked PDEA docs sold in 2012

Trillanes: Police officials recruiting for destabilization plot vs Marcos

PH inflation for April 2024 stands at 3.8 percent

CH to Capitol: Explain terminals’ lack of biz permits