Inahan nga usa mga nag suplay og drugas sa Sityo Mananga, Barangay Tabunok, dakbayan sa Talisay nasikop sa buy-bust sa alas 12:28 sa kaadlawon sa Martes, Enero 4, 2021.

Ang suspek mao si Mary Ann Yap, 53, taga Gil Tudtud St., Barangay Mabolo, Dakbayan sa Sugbo.

Ang grupo ni Police Lieutenant Elwood Ebana, pangu sa Drug Enforcement Unit (DEU) sa Talisay City Police Station, maoy nakasikop kang Yap sa buy-bust sa merkado publiko sa Tabunok.

Si Yap nasakmitan og shabu nga moabot ngadto sa 30 gramos nga mobalor og kapin sa P200,000 subay sa iyang street drug price value (SDPV), matod ni Ebana.

Matod ni Ebana nga sa ilang monitoring sa iyang mga sakop sa DEU Talisay, nasuta nga nagsugod ang paghatud og drugas ni Yap sa Mananga niadtong Disyembre. Si Yap, sa iyang depensa, niingon nga kadto pa siya nakahatud.

Matod ni Yap nga sa una Swertres ang iyang gikalingawan nga panginabuhian matag adlaw, apan tungod sa kanihit sa kita misulod siya sa paghatud og illegal nga drugas.