Ang negatibo nga test results sa 53 ka mga drayber sa mga traditional public utility jeepneys (TPUJs) nga dunay mga rotang Guadalupe ug Lahug sa Dakbayan sa Sugbo gi-release na.

Hayan sila ang makasugod sa pagpamasahero karong Biyernes, Nobiyembre 20. Ang 53 ka drivers nalakip sa unang 200 nga nipailawom sa pooled polymerase chain reaction (PCR) test niadtong Nobiyembre 9, 2020.

Si Cebu City Councilor James Anthony Cuenco niingon nga ang 53 ka TPUJ drivers maoy unang mopailawom sa vehicle inspection sa Nobiyembre 20 sa one-stop shop nga giorganisar sa inspection units sa Land Transportation Office (LTO), Land Transportation Franchising and Regulatory Board (LTFRB), ug Cebu City Transportation Office (CCTO). / JJL