CALBAYOG CITY - Mibalik na sa Eastern Visayas (EV) ang usa sa mga battalion sa 8th Infantry Division sa Philippine Army. Ang mga sakop sa 63rd Infantry Battalion (IB) emosyonal nga gisugat sa ilang mga pamilya uban sa kadagkoan sa Philippine Army sa Calbayog Airport. Si Brig. Gen. Eliezer Losañes ang keynote speaker sa pagsugat diin gihangop ang pagbalik sa tropa nga mosilbi na usab sa rehiyon batok rebelde sa mga bukirang lugar. Ang 63rd IB gi-deploy sa Jolo Sulu niadtong Agusto 2016 aron magsilbing reenforcement sa pakigbatok kontra Abu Sayyaf. Gipadala usab sila sa Marawi ug nakigbatok kontra sa Maute ISIS extremist. (JKDP)