NILAPAS na sa 10,000 mark ang aktibong mga kaso sa Covid-19 nga natala sa tibuok Central Visayas niadtong Sabado, Hulyo 31, 2021.

Kini wala pay duha ka buwan, human nilapas og 4,000 mark ang aktibong mga kaso sa Covid dinhi sa rehiyon, ug usa ka tuig human nitungtong sa 10,000 mark ang kinatibuk-ang kaso sa rehiyon. Sa pagkakaron, aduna nay 10,412 ka mga aktibong kaso sa Covid-19 sa tibuok rehiyon.

Ang 2,797 niini natala sa Probinsya sa Sugbo, matod sa bulletin sa Department of Health (DOH) 7. (WBS)