NAMATIKDAN nga uban sa mga nasikop sa kapulisan sa Siyudad sa Talisay nga nalambigit sa ginadili nga drugas mga batan-on, hinungdan nga gihimo nila nga mas pormal ang dugang programa alang sa kabatan-unan nga gitawag og Oplan SIDLAK (Studyanteng Isog Kontra Droga Lamdag ang Kaugmaon).

Pormal kini nga gilusad, Biyernes sa buntag, Enero 17, sa Jaclupan National High School, Dakbayan sa Talisay diin 100 ka mga graduating student ang ilang gitapok.

Ang kalihukan gipanguluhan ni Police Major Gerard Ace Pelar, hepe sa Talisay City Police Station. Apan dili lang batok ilegal nga drugas ang gituki, gilakip ang batok sa illegal gambling ug fraternities.

Gihimo kini sud sa tulo ka oras. Dungan ang pag-enganyo sa mga tinun-an nga magpulis.

“We challenged each student to harness their full potentials by studying well and avoiding vices. We also warned them of the evil effects of illegal drugs. The students rose up to the challenge and committed to study hard,” pasabot ni Pelare. (FMD)