ANG Adoption Resource and Referral Section (ARRS) sa Department of Social Welfare and Development (DSWD) sa Central Visayas maoy napili nga Best Operations Office Award atol sa bag-ong natapos nga 2018 DSWD Program on Awards and Incentives for Service Excellence (PRAISE) award nga gipahigayon sa Landbank Plaza, Malate, Manila.

Ang DSWD PRAISE naghatag og pasidungog sa mga babaye ug lalake nga nigahin og panahon alang sa partner-beneficiaries, ug nipadayon sa paggamit sa ilang tanang kusog, skill, intelligence, ug pagbati sa pagpatunhan sa standard of professionalism nga hingpit nakabenepisyo ang mga kabus ug marginalized sectors.

Ang ARRS ubos sa pagpangulo ni Clavel Saycon, Social Welfare Officer IV.

Uban sa team mao ang licensed social workers Concepcion Solera, Rachelle Solatorio, Ivy Marie Semblante, Karen Faith Caliso, Lairisa Ballaso, Analisa Gubalane ug Joselito Tabilon.

Ang runners-up sa maong kategoriya mao ang DSWD Region IV-B’s Pantawid Regional Project Management Office ug ang Provincial Extension Office in Tarlac sa DSWD-Region III.

Atol sa awarding ceremony, sila si Saycon ug Solera gibanan ni DSWD-7 OIC-Regional Director Rebecca P. Geamala ug Protective Services Division Chief Rosemarie Salazar.

Gawas sa Best Operations Office, si kanhi DSWD-7 Regional Director Ma. Evelyn B. Macapobre maoy napili nga Best Manager Award samtang ang Municipal Action Team sa Moalboal, Cebu maoy 2nd place alang sa Best Convergence Action Team Award.

Ang RAISE Awards kabahin sa DSWD’s culminating activity alang sa 68th anniversary, ug kini ang labing importante: pinaagi sa sremonyas, ang tibuok DSWD mosubli sa ilang panaad sa social work, community development ug pagtingugha sa mas lig-on, mas maayo ahensiya nga nakasandig sa kolektibong gahim sa mga kawani ug mga lider sa pagtabang sa katawhan. (PR)