TUNGOD sa nakita nga kakuwang sa propisyonal nga pagbansay sa daghang secutiry guards, ang Cafe-Gonzlaes Security Training Academy, Inc. (CGSTAI) natukod aron pagtubag sa problema niadtong 2014.

Si Atty. Jaime O. Gonzales, Training Officer ug Vice President sa CGSTAI, nagkanayon nga nakita niya ang maong problema dihang gikuha nga operations manager sa Cafe Security and Investigation Agency (CSIA) nga gipanag-iya ni Justo S. Cafe, Presidente sa CDSTAI.

“Maglisod ta sa pag-hire og security guards nga sakto og training,” matod ni Atty. Gonzales.

Mao kini ang nagdasig nila ni Cafe ug Gonzales nga maghiusa sa pagtukod sa naasoy nga training center aron pagsilbi sa panginahanglan sa CSIA.

Ang suwerte nag-uban kanila human nidako ug nidaghang ang ilang graduwado nga dili tanan mapasulod og trabaho sa CSIA hinungdan nga nahimong tinubdan sa ubang security agencies.

“Dili na mi exclusive sa CSIA karon. Bisan kinsa, basta mopasar sa requiremens, makatungha sa center,” dugang ni Atty. Gozales.

Ang CGSTAI nagtanyag sa Pre-Licensing Training Course (21 ka adlaw) ug Refresher Training Course (7 ka adlaw) nga batakang rekisitos sa karera sa security guard.

Lakip sa gitanyag sa center mao ang In-Service Enhancement Training Course ug Basic Security Supervisory Course.

Sa pagkakaron, ang center nagtukod usab og kaugalingong security agency nga Gonsca Security Agency, diin si Gonzales aron paghatag og trabaho sa ilang graduates, gawas sa CSIA ug ubang agencies.

Si Atty. Gonzales nipasigarbo sa dakong bentaha sa pagbansay sa CGSTAI tungod sa (1) qualified training officers, (2) dunay saktong facilities, ug (3) dunay tenang benepisyo sa trabahante nga on time ang remittance sama sa SSS ug uban pa sa seguridad sa guards.

Dugang sa ilang sayong grasya sa panag-uban nila ni Cafe ug Gonzales mao ang katukoran sa ilang bag-ong upat-ka-andana nga Cafe-Gonzales Bldg. sa N. Bacalso Ave., Barangay Bulacao, dakbayan sa Talisay nga gisubhan sa miaging Biyernes sa hapon, Hunyo 21,

Ang Cafe-Gonzales Bldg. maoy sentro sa training center apan, ang duha security agencies dunay buhatan sa samang edipisyo.

Ang CGSTAI gidumala sa mosunod: Justo S. Cafe, presidente; Atty. Jaime O. Gozales, Vice Presidente ug Training Director; Dr. Emylene F. Gonzales, Registrar; Jason P. Blanco, Admins ug Security Offcer; Heidi Jane D. Cafe, Corporate Secretaty; ug uban sa ilang staff. (RRM)