IPAUBOS sa Signal 1 ang Central Visayas karong adlawa, Nobiyembre 19, tungod sa Bagyong Samuel diin masinati ang kusog nga uwan.

Matod ni Philippine Atmospheric, Geophysical and Astronomical Administration (Pagasa) Visayas officer-in-charge Chief Engr. Al Quiblat, nisulod na ang bagyo sa Philippine Area of Responsibility kagahapon sa alas 10 buntag, Nob., ug giisa ang signal no. 1 sa Eastern Visayas kagabii.

Atol ning pagsuwat, si Samuel naa sa 875 kilometros silangan habagatang silangan sa Hinautan, Surigao del Sur.

Posibleng mahimong tropical storm nga dunay gikusgon nga 89-119 km matag takna. (HBL, EOB sa SunStar Cebu)