Giaprobahan sa House of Representatives sa ikatulo ug kataposang pagbasa niadtong Martes, Septiyembre 20, 2022, ang lakang nga magtinguha sa pag-uswag sa barangay ug Sangguniang Kabataan (SK) elections.

Sa 264 ka affirmative, unom ka negatibo ug tulo ka abstention votes, giaprobahan sa Kamara ang House Bill (HB) 4637, o ang balaudnon nga nag-postpone sa synchronized barangay ug SK elections gikan sa Disyembre 5, 2022 ngadto sa Disyembre 4, 2023.

Ang sunod nga barangay ug SK nga eleksyon ipahigayon sa unang Lunes sa Disyembre 2026 ug matag tulo ka tuig human niana.

“Today’s approval of the measure affirms the House’s resolve to approve HB No. 4673 by October 1, 2022 and have it signed by President Ferdinand ‘Bongbong’ Marcos Jr. before the scheduled December 5, 2022 barangay and SK elections,” matod sa Kamara.

Ubos sa balaudnon, ang mga incumbent officials lugwayan og termino samtang nagpaabot sa pagpahigayon sa eleksyon.

Ang mga opisyal nga mapili sa mga eleksyon molingkod sa katungdanan sa Enero 1, 2024.

Ang maong balaudnon usa ka pagtipon sa 38 ka mga balaudnon nga gisang-at sa Ubos Balay Balauranan.

Nangatarungan ang mga magbabalaod nga ang P8 bilyones nga budget nga gigahin alang sa pagpahigayon sa eleksyon mahimo na hinuong gamiton alang sa tubag sa nasod sa pandemya.

Si Commission on Elections (Comelec) Commissioner George Garcia una nang nipasidaan nga ang pag-uswag sa piniliay ngadto sa ulahi nga petsa magpasabot og dugang gasto nga mokabat sa P5 bilyones. (TPM sa SunStar Philippines)