Ang Barangay and Sangguniang Kabataan Elections (BSKE) giuswag gikan sa Disyembre ning tuiga ngadto sa katapusang Lunes sa Oktubre 2023 human pirmahi ni Presidente Ferdinand “Bongbong” Marcos Jr. sa Lunes, Oktubre 10, ang Republic Act 11935 nga nag amendar sa Republic Act 9164.

Kini nagpasabot usab nga gilugwayan ang termino sa incumbent barangay ug SK officials hangtod sa pagpahigayon sa eleksyon. Ang modaug moasumer sa katungdanan sa Nobiyembre 30, 2023.

“Until their successors shall have been duly elected and qualified, all incumbent barangay and sangguniang kabataan officials shall remain in office, unless sooner removed or suspended for cause,” mabasa ang tipik sa balaud.