USA ka refilling station sa butane sa Barangay Kalawisan, Lapu-Lapu gironda ug nasikop ang 14 ka mga tawo, lakip sa usa kabombero sa lungsod sa San Remegio nga si Brigz Abarao, laborer, taga Victoria, San Remigio, Cebu.

Nasakmit ang 56 ka mga nagkadaiyang unit sa Liquified Petroleum Gas (LPG); pito ka units sa cartridge nga gamit sa pag-refill sa butane canisters; 3, 837 ka butane canister, 816 niini aduna nay mga sulod ug ang 3,021 niini mga basiyo; P1,627 nga gituohang halin sa maong negosyo; lima ka notebooks nga adunay lista sa mga transactions ug duha ka mga numero sa cellphones.

Kini kalapasan sa Presidential Decree No. 1865 o ang “Amending Batas Pambansa (BP) Bilang 33, Entitled ‘An Act Defining And Penalizing Certain Prohibited Acts Inimical To The Public Interests And National Security Involving Petroleum And/Or Petroleum Product.” Ma. Devorah Taneo, USJR Intern