LEYTE -- Nihimo og nagkalainlaing kalihukan ang kapulisan sa Eastern Visayas atol sag pagsaulog sa Valentine’s Day sa Huwebes, Pebrero 14.

Ang kapulisan sa Abuyog Leyte Police Station pinangulohan ni Police Senior Inspector Ronald Espina, nagpakilig sa mga babayeng motorista pinaagi sa paghatag og red roses.

Ang pagpanghatag sa red roses gihimo samtang nagpahigayon og checkpoint ang kapulisan.

Miabot sa 100 ka red roses ang giandam sa kapulisan sa Abuyog.

Nagmalinawon naman ang gihimong checkpoint ug wa silay nasikop nga dunay violation.

Samtang ang ubang mga police stations sa rehiyon ang nanghatag og chocolates ug red roses sa ilang mga babayeng sakop.

Sa Baybay City, mismo si Police Superintendent Ricky Reli nibisita sa mga pasyente ug trabahante sa Western Leyte Provincial Hospital aron manghatag og red roses.

Si Police Regional Office 8 Director Dionardo Carlos nangulo usab sa pagpanghatag og red roses sa iyang mga sakop.

Duna usay ubang pulis nga ningbisita sa mga pribado ug pampublikong opisina sa ilang area of jurisdiction aron manghatag og red roses.