NORTHERN Samar- Namatay ang usa ka kanhi sakop sa Civilian Armed Auxilliary (CAA) nga gipusil sa duha ka tawo nga nagmotor sa Barangay Qurino, Poblacion, Las Navas.

Kini nahitabo alas 3 sa hapon, Sabado, Hunyo 8, 2019. Giila ang biktima nga si Amancio Perez, 60, taga Barangay H. Jolejole, Poblacion, Las Navas.

Base sa inisyal nga imbestigasyon sa kapulisan, si Perez dunay gitrabaho sa drainage.

Samtang siya nagtrabaho, kalit niabot ang mga responsable ug gipusil si Perez gamit ang kalibre .45 nga pistola. (JKDP)