BUKSAN na usab sa Commission on Elections ang pagpangrehistro isip pagpangandam sa umaabot nga National ug Local Elections sa Mayo 13, 2019. Sugdan kini sa Hulyo 2, 2018 ug molungtad kini hangtod Septiyembre 29, 2018.

Nianunsyo ang Comelec niini niadto lang Martes diin abli ang aplikasyon alang sa bag-ong rehistrasyon, transfer/transfer with reactivation, reactivation, change/correction sa entry ug inclusion/reinstatement sa records sa listahan sa mga botante.

Abli ang nagkadaiyang buhatan sa Comelec sa dakbayan ug munisipyo sugod alas 8 sa buntag hangtod alas 5 sa hapon, Lunes hangtod Sabado lakip na ang holidays.

Aduna’y pagahimuon usab ang Comelec nga mga satellite registrations sa nagkadaiyang dapit susama sa barangay ug tunghaan. (HBL)