SI suspended Cebu City Councilor James Anthony Cuenco hayan mahibalik sa buhatan usa ka tuig human siya gi-dismiss gikan sa public office human siya makaplagi sa anti-graft office nga guilty sa serious dishonesty ug grave misconduct.
Sa usa ka phone interview, si Cuenco niingon nga siya gipahibawo kalabot sa labing uwahi nga hukom sa Court of Appeals apan magkuha pa siya og kopya.
“I’ve heard, but nothing is final really because I have yet to receive a copy of the decision,” sulti niya sa SunStar Cebu.
Si Cuenco nitakda og press conference kalabot niini ugma.
Sa miaging tuig, si kanhi Ombudsman Conchita Carpio-Morales nimando sa pagtaktak kang Cuenco sa serbisyo tungod sa serious dishonesty ug grave misconduct sa pagpatuman sa medicine assistance program nga gigastuhan sa Priority Development Assistance Fund sa iyang amahan, kanhi Cebu City South District Rep. Antonio Cuenco.
Ang mando nagpatuman sa hangtod sa hangtod nga pagdili kaniya sa paghupot og bisan unsang pangpumblikong katungdanan, nga gipatuman sa Department of the Interior and Local Government (DILG) sa miaging tuig.
Si Cuenco ni-file gilayon og petition for review sa hukom sa Ombudsman. RVC