Kwalipikado kaayo si outgoing Davao City Mayor ug presumptive Vice President Sara Duterte-Carpio nga mohupot sa katungdanan isip kalihim sa Department of Education (DepEd) sa sunod nga administrasiyon.

Mao kini ang gisulti ni Liloan, northern Cebu Mayor Christina Garcia-Frasco, kinsa nagsilbing tigpamaba ni Carpio, isip tubag sa komento ni Sen. Risa Hontiveros nga ang DepEd kinahanglang pangulohan sa usa ka “eksperto sa edukasiyon.”

“Vice President-elect Sara Duterte posseses vast executive experience and keen knowledge of the challenges faced by schools, students, and parents, having been Chairperson of the Local School Board for many years,” matod ni Garcia-Frasco sa usa ka pamahayag sa iyang official Facebook page sa Biyernes sa gabii, Mayo 13, 2022.

Si Frasco midugang nga anaa usab sa gahum sa sunod nga Presidente ang pagdesisyon sa maong appointment, ug midugang nga si Hontiveros “ “has her own set of qualifications for whom should be appointed as Secretary of Education.”