Sugdan sa hinapos nga bahin sa Pebrero 2021 ang pagbakuna sa frontliners sa dakbayan ug lalawigan sa Sugbo.

Kini maoy gipahibawo ni Secretary Martin Andanar sa Presidential Communication and Operations Office (PCOO) atol sa iyang pagbisita sa Sugbo aron paglusad sa programang “Explain, Explain, Explain” nga gidumala sa Philippine Information Agency (PIA) nga giulohan og “Pagduaw sa Cebu ug Mandaue.”

Ang kalihokan gitambungan sa mga lokal ug barangay officials nga gipahigayon sa Bayfront Hotel, Enero 18, 2021.

Si Andanar nagkanayon nga base sa pamahayag ni Presidente Rodrigo Duterte, dili angay mabalaka ang matag Sugbuanon o kinatibuk-ang Pilipinhon sanglit ang tanang tawo mapabakunahan aron mabatokan ang Covid-19.

“We want it to start it as soon as possible kong magsugod siya by third and fourth week of February ma-vaccinate ang atong frontliners labi na sa atong mga major cities nga taas ang attack rate, Metro Manila, Metro Cebu, Metro Davao, Cagayan de Oro,” padayag ni Andanar.

Apil sa frontliners nga ginganlan ni Andanar mao ang mga sakop sa media. (PAC)