Balita

Gipatay samtang nag-online game

Sunnexdesk

Nagduwa og online game sud sa internet cafe gipusil, patay niadtong Lunes, Mayo 29, sa Barangay Abugon, lungsod sa Sibonga, habagatang Cebu.

Ang biktima giilang si Mark Ace Rama, 19, dunay kapuyo, nagpuyo sa dapit, kinsa namatay sa tambalanan sa dakbayan sa Carcar.

Wa pa mailhi sa kapulisan ang killer nga gihulagway sa mga saksi nga nagsul-ob og maong short pants, striped sweatshirt, nakatsinelas ug nag-bonnet.

Si Police Staff Sgt. Bernard Otida sa Sibonga Police Station nagkanayon sa dihang nahinabi sa Superbalita Cebu, nga nagduwa og games sa internet cafe ang biktima dihang kalit nisulod ang wala mailhing lalaki dayon nipusil sa biktima tumong sa luyong bahin sa ulo.

Kalma ra nga nilakaw ang gunman sa pagsibat.

Usa ka saksi nga diha duol sa crime scene nibutyag nga dunay usa ka wala mailhing lalaki nga nipalit og sigarilyo.

Ingon sa adunay gilantaw nga tawo ug wa magdugay nadungog na lang niya ang buto sa armas.

Matod ni Otida, nga gisubay pa sa ilang imbestigador kon unsay motibo sa kremin.

Apan base sa inisyal nga impormasyon nga dili maayo og relasyon ang biktima tali sa iyang mga silingan. (GPL)

CEBU. Cebu City Mayor Mike Rama.

Rama, 5 other CH officials face raps

Gunman in radio broadcaster’s murder nabbed

PNP tags brother in death of 14-year-old girl from Talisay

Hontiveros urges DFA to cancel Quiboloy’s passport

Chinese Navy ships monitored amid ongoing Balikatan off Palawan