GUNRUNNER sa Siyudad sa Danao nga giingong sakop sa usa ka sindikato sa pagpamaligyag paltik nga mga armas nasikop sa entrapment operation sa mga sakop sa Criminal Investigation and Detection Group (CIIDG) 7.

Nasakmit ang 12 ka nagkadaiyang mga armas nga mahimo nang magamit.

Mobalor ang tanan og P108,000 nga nasakmit sa team nga gipangulohan ni Police Major Edwin Lacostales.

Wa masayod si Renato Ramoneda Jr., taga Barangay Suba, Siyudad sa Danao, nga ang iyang gika-transact usa ka pulis.

Matod ni Police Major Ronald Allan Tolosa, deputy Regional Chief sa CIDG-7 nga nakadawat silag impormasyon labot sa pagpamaligyag paltik ni Ramoneda.

Nakuha gikan kang Ramoneda ang duha ka KG9 machine pistol, unom6 ka kalibre .45 nga pistola ug uat ka 9mm pistol nga mahimo nang magamit kay hitsas sa mga parte.

Giangkon ni Ramoneda nga iyang ibaligya ang mga armas bugti sa tag P500 matag usa isip komisyon.