GIPARELIBOHAN sa Camp Crame ang hepe sa Cebu Provincial Police Office (CPPO) nga si Police Colonel Manuel Abrugena sugod kagahapong adlawa, Hunyo 18, ug gibalhin siya sa National Capital Region Police Office.

Ang mohulip kaniya mao si Police Colonel Roderick Mariano isip acting director sa kapulisan sa probinsya sa Sugbo.

Naabot sa CPPO ang order gikan sa Camp Crame ganinang hapon lang nga nakapakurat sa mga opisyal sa mga sakop ni Abrugena.

Ang order gopirmahan ni Police Major General Lyndon Cubos sa Personnel and Records Management sa Camp Crame. (AYB/Superbalita Cebu)