GIAWHAG sa Cebu City Council ang Office of the Mayor pag-convene sa Cultural and Heritage Affairs Office (CHAO) ug paghimo og imbentaryo sa mga cultural ug heritage site sa Dakbayan sa Sugbo.

Si Konsehal Joel Garganera, sa iyang privilege speech sa Konseho, nagkanayon nga naalarma siya dihang nadasmagan sa truck ang kongretong pader sa Yap-Sandiego Ancestral House nga nagpangidaron og 100 ka tuig.

Diriyot pa maangol ang upat ka mga turista nga nibisita sa karaang balay sa Yap-Sandiego.

Ang balay giila nga usa sa mga historical site sa Sugbo diin daghang mga turista ang modagsa matag adlaw.

“Years and years of history, gone in an instant. Are we to wait until irreversible and irreparable damage has been done befor we take action?” padayag ni Garganera.

Sa miaging semana, nipalabang usab og ordinansahon para pagprotehir ug pag-preserbar sa mga historial ug cultural site sa siyudad.

Gipadayag sa konsehal nga ang mga turista moanhi dinhi di lang alang sa mga maanindot nga beach ug park, apan apil na sa kaabunda sa kasaysayan sa heritage ug kultura nga naglakip sa mga delicacy , simbahan, old houses, plaza ug ports.

“In other words what brings in visitors is our rich history, not the tall buildings, condominium or commercial centers,” dugang ni Garganera. (PAC)