WAY nahimo ang gi-ila nga high-value individual nga si James Ryan Bayabo-Llaguno, 37, sa Mandaue City, sa dihang customer nga gibaligyaan og pakete sa shabu pulis diay.

Ang Police Station 6 sa Mandaue City Police Office ubos sa supervision ni Major Erwin Abrasado ang nipahigayon og buy-bust operation niadtong Sabado, Mayo 21, batok ni Llaguno, kinsa naila nga tigbaligyaan og shabu sa ilang lugar.

Poseur buyer nipalit og pakete nga shabu ni Llaguno resulta sa iyang pagkasikop ug ang ubang shabu nga diha sa iyang back-up nga ready for delivery ang nasakmit.

Base sa spot report sa Police Station 6, moabot ngadto sa kapin sa usa ka kilo ang droga nga gibana-bana nga mokantidad P6.9 milyones ang nakuha gikan sa maong dinakpan.

Nasayran nga si Llaguno nadakpan na kaniadto sa kasong illegal gambling. (FVQ)