NISAAD si Senator-elect Imee Marcos nga mangita og hustisya sa kamatayon sa bana ni reelected San Fernando Mayor Lakambini “Neneth” Reluya nga si Ricardo “Nonoy” Reluya Jr.

Iya kini gisulti dihang gitagsatagsa niya og tawag ang mga mayor ug bise mayor sa wala pa ang oathtaking sud sa Carcar City Hall niadtong Huwebes, Hunyo 6.

Wa na hinuon gidetalye ni Marcos kon unsa nga tabang ang iyang ipaabot sa pamilyang Reluya aron maangkon ang hustisya sa pagkamatay ni Nonoy.

Si Ricci Regen, ang ni-substitute sa iyahang amahan nga si Nonoy sa miaging piniliay niadtong Mayo 13 ug maoy nakadaog pagka bise mayor sa San Fernando, namahayag nga gihangop nila ang saad ni Marcos. (SCG)