Usa ka Information Technology (IT) engineer sa pribadong kompaniya sa dakbayan sa Sugbo gidakop sa mga sakop sa Regional Anti Cyber Crime Unit (RACU) 7 uban sa Regional Intelligence Unit (RIU)-7, alas 2:40 sa hapon sa Huwebes, Agusto 11, 2022, sa dalan F. Jaca, Barangay Inayawan, siyudad sa Sugbo.

Si Police Colonel Ferdinand Raymundom, hepe sa RACU-7, maoy nangulo sa pagsikop sa suspek nga si Alvin Anticarma, 38, lumolupyo sa naasoy nga dapit.

Ang warrant of arrest giluwatan ni Judge Merlo Pasco Bagano sa RTC Branch 14 sa dakbayan sa Sugbo alang sa four counts sa kasong kalapasan sa RA 9995 kun Anti Photo and Video Voyeurism Act of 2009 nga nahitabo niadtong 2019 sa wala pa ang pandemiya sa Covid-19.