MOHATAG og hinabang sa mga Sugboanon nga returning overseas Filipinos (ROFs) nga naapektuhan sa pag divert sa flights nga mopadulong unta sa Mactan Cebu International Airport (MCIA), apan gipatipas sa Ninoy Aquino International Airport (NAIA), ang kagamhanan sa lalawigan sa Sugbo.

Laraw ni Cebu Governor Gwendolyn Garcia nga ang hinabang maglakip sa plitehan gikan sa kaulohan paingon dinhi sa Sugbo.

Tungod kay ang mga ROF lang ang migasto sa ilang kaugalingong kwarta aron makapauli ug makatuman sa quarantine sa mga hotel.

Ang bayranan sa overseas Filipino workers (OFWs) alang sa ilang domestic sweeper flights ug quarantine sa hotel giabaga sa Overseas Workers Welfare Administration (OWWA).

Subay sa Resolution No. 114 sa IATF,gi-require ang tanan nga mga OFWs ug ROFs sa pagkwarantina og 10 ka adlaw ug laing upat ka adlaw sa panimalay.

Sa ikapito ka adlaw sa pag isolate kanila sa mga hotel, una pa sila ipaubos sa swab test.

Kon negatibo ang resulta, ipadayon gihapon ang pag isolate sa facility aron makompleto ang 10 ka adlaw.

Ang mga quarantine room sa hotel nagkantidad og P2,000 ang adlaw nga maoy bayran sa mga ROF nga moabot sa Manila.

“We had initially discussed this with Dr.Giango. Cebu City Acting Mayor Michael Rama had also mentioned this that we could possibly extend assistance to the ROFs that will need to shell out extra funds for the ticket coming from Manila to Cebu,” matod ni Garcia pinaagi sa Sugbo News.

Hayan makig-partner ang Lalawigan ug Dakbayan sa Sugbo sa mga airline ug makig-alayon usab sa Bureau of Quarantine (BOQ) aron mailhan kinsa to ang maapektohan.

“We will be speaking with the airlines to enter to an arrangement with the Cebu Provincial Government, I think even the Cebu City Government, we will be answering that airfare,”matod ni Garcia.

Sa Hunyo 7, una na nga gipahibaw ni Maria Rosario Vergerie, spokesperson sa Department of Health (DOH-7), nga dili na mogasto ang DOH para sa unang swab test sa Sugbo o alang sa swab-upon-arrival policy niini.

Hinungdan nga nangandam na ang Sugbo alang niini aron ipadayon ang maong polisiya.

Matod sa DOH sa kaulohan nga ang ikapitong adlaw lang ang i-libre sa DOH.

MAGPALIT OG KITS