IHINAYON ni Police Colonel Royina Garma ang pagpasakag kasong libel kang outgoing Cebu City Mayor Tomas Osmeña human siya pasanginli nga nagdawatan og P1 million nga payola gikan sa illegal numbers game sa lalawigan sa Bohol.

Atol sa miting de avance sa Bando Osmeña Pundok Kauswagan (BOPK), nahimong sentro sa mensahe ni Osmeña si Garma human siya makakuhag dokumento sa Philippine Charity Sweepstakes Office nga nag pasangil kang Garma nga protektor sa illegal gambling sa Bohol sa dihang hepe pa siya sa Criminal Investigation and Detection Group 7 (CIDG 7).

Apan sa miaging semana, ang Globaltech Mobile Online Incorprated, gaming technology provider sa Small Town Lottery, nipagawas og statement nga dili tinuod ang nakuhang impormasyon sa mayor nga nagdawatan og payola ang CCPO director. (AYB)