WAY kontra ang pagkapili ni Cebu City Councilor Raymond Alvin Garcia isip chairman sa Councilors League (PCL) Region 7 atol sa eleksyon sa Bai Hotel kagahapon, Nobyembre 20.

Si Garcia, chairman sa PCL-Cebu City Chapter, nidagan nga way kontra nga mangulo sa Central Visayas diin ang mga nibotar kaniya nga kadtong mga opisyals sa mga siyudad ug provincial chapter sa Cebu, Negros Oriental, Bohol ug Provincial organization sa Sequijor

Si Garcia nihulip kang kanhi konsehal ug karon presiding officer sa lungsod sa Catmon, Bise Mayor Earl Oyas.

Ang regional vice-chairperson si Jescelo Adiong, Regional Secretary General si Roselyn Asok, Regional Treasurer si Francis Edward Salimbangon, Regional Council Auditor si Ricardo Amores ug Public Relation Officer si Herman Januar Carballo.

Garcia niingon nga ilang gimbuhaton ang pag-coordinate sa mga programa sa PCL. (PAC)