GIPATUMAN sa Cebu City Police Office (CCPO) ang lapad nga lahugay sa police stations ug special units nga misubra na sa duha ka tuig ang paglingkod sa ilang epe.

Ang hepe sa Parian Police Station 1 Police Major Armando Labora gibalhin sa Abellana Police station 2 ug si Police Major Ardiolito Cabagnot gidestino sa Parian.

Si Cabagnot gihulipan ni Police Major Albert Quilitorio sa Mobile Patrol Unit.

Si Police Major Elisandro Quijano mao na karon ang hepe sa City Community Affairs and Development Unit, samtang nag-ilis silang Police Major Janelito Marquez sa Guadalupe ug Police Major Jonathan dela Cerna sa Labangon Police Station.

Lakip sa nag nag baylo og posisyon mao silang Police Major Jonathan Bethvoven Taneo sa Talamban ug Police Major Alvin Llamedo sa Carbon Police Station.

Si Police Colonel Josefino Ligan, direktor sa CCPO, nga ang lahugay wala magpasabot dunay nahimong salaod apan normal nga proseso. (AYB)