NAMATAY diha-diha ang usa ka lalakeng gi ambush sa riding in tandem mga alas 8 pasado sa Martes sa buntag, Disyembre 14, 2021 sa eskina sa Dan AC Cortes, Barangay Tipolo, Dakbayan sa Mandaue.

Ang biktima nga nagmaneho sa iyang Suzuki sedan color orange nailhan pinaagi sa iyang passport nga si Ervin Dunhill Inocando, 27, taga Valladolid, Dakbayan sa Carcar.

Base sa kuha sa CCTV, dayong liko sa eskina dihang nitupad ang usa ka motorsiklo nga gisakyan sa gunman.

Ang angkas nipusil dayon sa driver's side sa makadaghang higayon.

Nakadagan pa og mga 30 metros si Inocando dayon nigawas sa iyang sakyanan ug nahagba.

Si Inocando nabilanggo sa kasong illegal drugs, apan nakagawas niadtong 2018.

Duna siyay kapuyo nga taga lungsod sa Sibonga, habagatang Sugbo. with GPL