Sa pakigpulong ni Dr. Rene Escalante, chairman sa National Historical Commission of the Philippines ato sa kasaulogan sa ika–500 ka tuig nga Kadaugan sa Mactan, siya mipaambit nga ang lider sa Mactan, Datu LapuLapu ang bugtong bayani sa nasud nga way apelyido.

Kon ang atong national heroes kompleto sa ilang pangalan ug natala sa kasaysayan ang dagan ilang kinabuhi lakip na ang ilang pamilya, sukwahi kini ni LapuLapu.

Bisan ang pamilya ni LapuLapu wa maklaro, iyang ginikanan lakip ang iyang personal nga kinabuhi ang wa masayri o walay klaro nga rekord.

Samtang si Senador Christopher Lawrence “Bong” Go sa iyang pagpadangat og mensahe adunay laing version nga nasayran mahitungod sa labing unang bayani sa nasud, nga si LapuLapu usa ka Tausug ug gipadala sa Mactan.

Si Escalante mipahinumdum nga angayan nga hatagan og dakong bili ang kasaulogan sa Kadaugan sa Mactan nga bisan ang mga Filipino naila sa pagkamanggihatagon, pagkama abi-abihon ug peace loving.

Apan kon nahulga na ang atong soberanya ug matandog ang atong political ug social equilibrium andam kita nga manalipod, matod ni Escalante.

Base sa kasaysayan nahimong sumbanan ang gihimo ni LapuLapu niadtong tuig 1521 batok sa pagpanglupig sa mga Katsila niadtong 1896, Americans 1901 ug mga Hapon niadtong 1941.

“We are expecting that everytime we hear LapuLapu in the coming days what will come to our mind is the historic leader of Mactan who defended our country against the invaders and not the delicious fish we eat in Chinese restaraunts,” tipik sa pakigpulong ni Escalante.

LOKAL

KADAUGAN BATOK COVID